ಮಗು - ಶಶಿಕಲ ಬರೆದ ಕವನ

ನನ್ನ ಕಣ್ಣಿನಲ್ಲಿ ಹೊಸ ಮಿಂಚಿಹುದು
ಮೊಗದಲಿ ನಸು ನಗುವಿಹುದು
ಮನದಲ್ಲಿ ನಿನ್ನ ಬಿಂಬವಿಹುದು
ನಿನ್ನ ಬರುವಿಕೆಗಾಗಿ ಮನೆ, ಮನ ಕಾದಿಹುದು
ಕನಸಿನ ತೊಟಿಲ್ಲನು ಕಟ್ಟಿ ಕಾಯುತಿರುವೆ
ಬಾ ಮಗುವೆ

ಕಣ್ಣ ಬೆಳಕಾಗಿ, ಮನೆಗೆ ಮೆರುಗಾಗಿ ಮನದ ಮಲ್ಲಿಗೆಯಾಗಿ ಬಾ ಮಗುವೆ
ನಿನ್ನ ಸವಿ ನುಡಿಗಾಗಿ, ಹೊನ್ನ ನಗುವಿಗಾಗಿ, ಕೋಮಲ ಸ್ಪರ್ಶಕಾಗಿ ಕಾಯುತಿರುವೆ ಬಾ ಮಗುವೆ
ನಿನ್ನಲಿ ನಾನಾಗಿ ನನ್ನೇ ಮರೆತು ಬಿಡುವ ತುಡಿತದಲ್ಲಿ
ಕಾಯುತಿರುವೆ ಬಾ ಮಗುವೆ

ನನ್ನ ಬಾಳಿನ ಭಾಗ್ಯ ನೀನಾಗಿರುವೆ, ನನ್ನ ಕನಸಿನ ಲೋಕದ ತಾರೆ ನೀನಾಗಿರುವೆ ಬಾ ಮಗುವೆ
ನಿನ್ನ ಬರುವಿಕೆಗಾಗಿ ನಿರಂಜನನಾಗಿ ಕಾಯುತಿರುವ ನಿನ್ನ ಮುದ್ದು ತಂದೆ .